16 Shell (已結業)

讲到名人饭堂，你又点可以唔识店名简单易记嘅16 Shell呢？炮台山蚬壳街16号，只要你知道店舖名，就会连佢喺边都知！听闻谢霆锋同其他明星会经常都会嚟食饭，话唔定嚟到隔离个枱全部都系大明星！小编心郁郁即刻去碰碰运气。小编去到虽然见唔到谢霆锋，但餐厅装潢高雅古典，成功吸引到我留住系度！最令人估唔到系入面嘅菜式惊喜不断。白酒煮蚬相信大家都食过，喺坊间西餐厅都系一道常见菜式。依道菜式特别加咗牛油，令到个汁更为浓郁，而且包住蚬肉，啖啖鲜甜。牛扒由美国直送，质素非常高，所以唔需要落太多调味料。5成熟岩岩好锁住肉汁，但同时带出牛肉鲜嫩嘅肉质，再加埋白酒牛油蘑菇汁，齿甲留香。依款面包系餐厅招牌菜，听闻系谢霆锋独门秘方嚟！食落去的确系一个全新嘅体验！平时嘅蒜蓉包，虽然香脆但蒜蓉太浓味。相反，依度用咗黑炭包，感觉比一般面包健康同软熟，而且黑蒜有一种独特嘅甜味，令人一食上瘾，送酒一流。