Small Potato Ice Creamery (已結業)

旺角小食首选系信和后面条街，而铜锣湾的小食热点，我觉得系希云街，一条短短的小街有抹茶，手工雪条同埋鸡蛋仔，真系每间食一啖都饱死！今晚同朋友喺附近食完串烧嚟左医第二个胃！呢间店刚开张的时候都有嚟过，只系人很多一个下午就卖光了，呜呜！热潮已过，客人不多嘅情况下，仲见到一幅靓靓的壁画！如果人山人海的话，我一定会留意唔到，嘻！主打海盐及紫薯味的雪糕，雪糕可以选筒装或杯装，亦设有几款已配搭好的口味，当然亦可自己拣不同配料啦。我有选择失调症，要我在一大堆配料中自己谂应该天光都未拣好吧！所以都系拣左店方已配搭好的紫薯派对（$40）除左紫薯雪糕外，仲有绿茶嶡饼，白玉，紫薯BB同紫薯蓉！份量十足呢！紫薯BB 细细粒，口感粉糯甜美，白玉唔会淋晒，ＱＱ的非常好口感！后面啲公仔真系交晒戏，好好笑！紫薯味浓郁不假，店员表示雪糕系用新鲜紫薯打出，再加埋紫薯粉同酱汁，雪糕口感紥实不易溶，份量偏大，一杯可满足晒紫薯迷的N个愿望！因为我地系食饱饭过来食，食到尾声真系有啲饱，始终紫薯系属于淀粉质，比较饱肚，值得一提，店员会在客人落单时提醒雪糕份量略多，个人觉得友善又细心。