影片
更多
2017-07-27
1787 浏览
金坊夜晚长期都咁多人等位，今日中午先决定嚟食，即刻打电话订位，又俾我订到㖞。 就算订左位，嚟到都系要等等等，但就会俾冇订位嘅人优先。呢度全日免收加一，但夜晚就会收"水"费，俾杯水你，每位$3，你饮唔饮都要俾架喇。嚟左好多次，有几样野都系必叫嘅，好食又抵食:烧鲗鱼$99，好大条，鱼肚塞满晒香茅，烧得好好食。青柠汁烧牛排$98，几大份，抵食。每次都烧得好香，冇渣。面头系牛，下面系菜嚟。但今日就有啲离谱，大概四份一都系全牛膏，肥到入唔到口，点食?!菠萝沙冰$26，芒果沙冰$28，系新鲜生果制，好正!仲有烧猪颈肉都好好食，但今日太多烧嘢，就冇叫。另外每次都会叫其他嘢食，今日其他野食全部都麻麻，下次呢啲可以全部唔叫。烧鱿鱼$92，贵! 实物系好细份，最大问题系唔新鲜，肉质唔弹牙，仲霉霉地。马拉盏炒粉丝配鸡$76，几大碟，但好咸。如果唔食得好喊嘅就唔好叫。泰式青咖哩配牛$86，青咖喱好香，牛肉都多。但系咖喱冇牛味，牛就冇咖喱味又冇牛味。应该系求其烚熟啲牛肉就放入青咖哩度，唔掂。印度薄饼$42，又薄又唔松脆，系软腍。识得叫就好好食，叫著啲唔掂嘅就会好失望，唯有记住有咩好食有咩唔好食。但我地每次都系食
嚟左好多次，有几样野都系必叫嘅，好食又抵食:
烧鲗鱼$99，好大条，鱼肚塞满晒香茅，烧得好好食。
青柠汁烧牛排$98，几大份，抵食。每次都烧得好香，冇渣。面头系牛，下面系菜嚟。
但今日就有啲离谱，大概四份一都系全牛膏，肥到入唔到口，点食?!
菠萝沙冰$26，芒果沙冰$28，系新鲜生果制，好正!
仲有烧猪颈肉都好好食，但今日太多烧嘢，就冇叫。另外每次都会叫其他嘢食，今日其他野食全部都麻麻，下次呢啲可以全部唔叫。
烧鱿鱼$92，贵! 实物系好细份，最大问题系唔新鲜，肉质唔弹牙，仲霉霉地。
马拉盏炒粉丝配鸡$76，几大碟，但好咸。如果唔食得好喊嘅就唔好叫。
泰式青咖哩配牛$86，青咖喱好香，牛肉都多。但系咖喱冇牛味，牛就冇咖喱味又冇牛味。应该系求其烚熟啲牛肉就放入青咖哩度，唔掂。
印度薄饼$42，又薄又唔松脆，系软腍。
识得叫就好好食，叫著啲唔掂嘅就会好失望，唯有记住有咩好食有咩唔好食。但我地每次都系食完又唔记得咩唔好食(只系记得啲好食)，下次又叫返，次次都重覆犯错。
张贴
