諾亞半熟蛋糕專門店 (已結業)

上网睇到，原来大坑嘅诺亚蛋糕而家有堂食喇！见到好似好吸引，就同朋友黎试下好唔好食。去到既时候，店内都有其他人客正享用蛋糕，蛋糕香气四溢，令人垂涎三尺！蛋糕款式选择颇多。呢个时候，咁岩原味蜂蜜半熟蛋糕 ($75) 新鲜出炉！来自台湾嘅美女饼师就问我地食原味定另外order其他味，本身都想食其他味，但见到呢个蛋糕岩岩出炉咁吸引又唔驶等，于是就拍板要呢个蛋糕！蛋糕香喷喷好软熟，一切开蛋糕！！！ 不得了啊！流心程度令我相当惊喜！中间嘅蜂蜜岩浆不断涌出黎！初头以为一个蛋糕会好多，但我同朋友两个人好快就食哂成个蛋糕！因为蛋糕其实好松软，食落去一啲滞嘅感觉都无！蜂蜜味道浓郁清新，甜而不腻，所以食下食下竟然食哂成个！半熟蛋糕新鲜出炉食，真系比买返屋企食仲好味呢！