影片
更多
2014-07-16
7303 浏览
心血来潮想食high tea，本来想食半岛酒店既英式下午茶，但而家已经加价加到两位$598(加一)...唯有退而其求次食1881入面既The Parlour.The Parlour既英式下午茶两位$398(加一)，呢个价钱我比较接受到。但其实都觉得有啲贵，不过一餐半餐就冇乜所谓啦！早一日book左位，下午茶三点开始，我同男友相约早一啲出黎行街，但天气实在太好，我怕热到哂溶左个妆(食high tea同三层架下午茶自拍100张是常识吧！)虽然officially系三点开始，但幸好我冇被拒诸门外，两点九就入坐。餐厅既设计非常中式，但整体环境非常昏暗，我个人不太喜欢喺暗既环境食饭。不过邻座有八成都系外国人，令到自己好似置身喺外国既中国餐馆中。最搞笑呢度既high tea set有两款，一款系港式，另一款系英式。港式就系食点心之类，虽然场内好多外国人，但冇一枱系食港式下午茶。大概想食点心应该会去番酒楼挂...可能太早入座，都等左一阵先上三层架，但当我想自拍的时侯，我有啲失望！呢个白色布系咩黎？说好的甜品呢？原来甜品系分开上既由于之前同男友留定肚食，佢见到如此境况，忍唔住问：「下，食咁贵得呢d？」
The Parlour既英式下午茶两位$398(加一)，呢个价钱我比较接受到。但其实都觉得有啲贵，不过一餐半餐就冇乜所谓啦！
早一日book左位，下午茶三点开始，我同男友相约早一啲出黎行街，但天气实在太好，我怕热到哂溶左个妆(食high tea同三层架下午茶自拍100张是常识吧！)虽然officially系三点开始，但幸好我冇被拒诸门外，两点九就入坐。
餐厅既设计非常中式，但整体环境非常昏暗，我个人不太喜欢喺暗既环境食饭。不过邻座有八成都系外国人，令到自己好似置身喺外国既中国餐馆中。
最搞笑呢度既high tea set有两款，一款系港式，另一款系英式。港式就系食点心之类，虽然场内好多外国人，但冇一枱系食港式下午茶。大概想食点心应该会去番酒楼挂...
可能太早入座，都等左一阵先上三层架，但当我想自拍的时侯，我有啲失望！
呢个白色布系咩黎？说好的甜品呢？原来甜品系分开上既
由于之前同男友留定肚食，佢见到如此境况，忍唔住问：「下，食咁贵得呢d？」虽然有少少失望，但都系要自拍/被拍番100张先可以开餐架啦。一打开个包惨不忍睹既白布，原来宝物寻归底！呢旧核突白布入面原来收埋左4件松饼：两个系提子松饼，另外两个就系冇提子既。我谂揾白布盖左既原因系想保持松饼既温度，老实讲，除非有个火或者heater，呢个设计系有啲fail。英式下午茶系由上食下，第一层放左伴松饼既果酱，所以甜品就要分开上啦。唔知系咪太肚饿，一咬松饼竟然系有超好食既感觉！为左make sure呢个唔系肚饿既幻觉，我认真咁品尝，发现松饼表面酥香，食落又唔会太硬，入口即溶，里面呢湿度系岩岩好。加上我不好甜品，呢个松饼既甜度系我接受到既，所以我冇乜点果酱，就不多讲果酱。我觉得呢度既松饼系我食过最好味既松饼，识食一定系食呢度既松饼！
唔钟意食甜既我，另一个关注既当然系咸点。不过既然系set for two，点解有啲款只得一件？三文治的白方包比较软同湿，但不至于淋哂。蛋酱果个好似咸既松饼，口感唔错。其他的tart太细件了，囫囵吞枣，不能续一评点，但味觉整体系几唔错。甜点实在太甜，点好甜既男友都顶唔顺，我谂...如果要挑战甜品大佬应该黎呢度！
饮品选择看似好多，但我最后都系拣饮我最爱既latte，不过我觉得味道普通，唔够香浓。
整体黎讲两百几蚊食呢个tea set唔可以算系太worth，不过都系果句，间唔中食下真系几过瘾。有机会(有钱)再试下其他！
张贴
