魚心日本料理 (已結業)

一直黎亲旺角都有帮衬开呢间平平居酒屋，见到唔小中伏的食评，所以次次都食差唔多嘅野食。真心次次食完都唔觉中伏，仲想俾个like tim由于要食够一定金额先可以叫优惠美食，所以我地先叫左个网烧牛肉定食（$58）由于太肚饿关系，食左两件先记得影相。份量绝对唔细，牛就唔好期待系靓野，但配返个汁就唔错啦之后叫左个自家制大阪烧，呢个打正旗号唔跟正宗做法。成旧野虽然有啲厚，但又唔系得粉浆果只厚。虽然啲馅唔系咩贵野，但够足料都几好味。跟著就黎特价野，先黎个盐烧秋刀鱼（$14），原条大大条烧到好香，性价比超值，值得推介。再黎叫多条鱼食，今次系比较肥美嘅盐烧三文鱼鲛（$25）。个鱼鲛够肥，但烧完又唔腻，够香够滑，个人大推呢个。P.s. 好多时呢个都会沽清，食唔食到要睇运最后就系鱼心嘅必食推介，25蚊6件嘅特式加州卷呢碟野净系卖相都值回票价，仲要有手心噤大嘅加州卷，食完包你满载而归。今次上左上层食，环境的确有点残旧，但旧得黎有种家嘅舒服感觉。如果系下层食，就可以欣赏到玉置浩二嘅经典金曲做背景音乐。首首80年代嘅金曲，以日文演唱大家都能朗朗上口，充满浓浓嘅怀旧居酒屋气氛，绝对系另一番风味