黃枝記 (已結業)

上次请咗朋友食咗日本拉面，今次佢为咗还我呢个人情，话请返我食面。佢问我想唔想食翻拉面，我就话今次想食本土嘅云吞面多d。但系既然系请我食云吞面，冇理由食茶餐厅咁冇要求，所以识食一定系食----黄枝记!!!今日我哋嚟咗黄枝记嘅铜锣湾新分店，喺楼下一望黄枝记嘅长样，气势不凡！ 一坐低望住个Menu我哋嘅选择困难症又发作， 我好钟意食佢哋嘅云吞，但系同时间亦迷恋佢哋嘅牛腩同猪手。朋友就好钟意食佢嘅猪润，因为够弹牙、柔软，同埋出面好少食到。就系甘，大家唔知点样决定嘅时候店员同我地讲，其实我地可以叫一个拼盘，咁就可以食齐云吞、水饺、牛根腩、猪手同埋冬菇青菜！我哋认为呢个系对大家最好既决定。朋友坚持叫个猪润细面，我就叫左虾子捞面 share。呢个拼盘一上桌真系想拍手赞好，全部都系招牌名菜。猪手柔软胶原丰富，百食不厌！ 牛腩非常入味，而且用腩汁用来捞面更加一举两得！ 云吞同水饺真系唔使讲，大家都知有几好味！ 黄枝记嘅手打面真系做得非常出色，每条面均衡而且弹力十分，食一食，一路拉面，真系无敌好食！而且冇碱水味，软硬度适中，真系一碗系唔