影片
更多
2018-01-26
2498 浏览
早排听闻一间饺子店系几好食，本人好耐冇食过专门食饺子既食店，对上一次都吾记得系几耐之前了，见呢间又近近地自己公司，一于去试试。饺饺饺子系香港有两间分店，一间系湾仔而另一间系红磡，湾仔戈间位置一条横街 —— 厦门街，胡忠大厦/ 合和中心戈边一路向右行就有几条横街，厦门街就系其中一条。本来谂住湾仔系商业区，夜晚应该会冇乜人先岩，但餐厅都有一半既客。讲到呢度最出名既就当然系Chao Chao饺子，Chao Chao饺子既名应该系源自「饺饺饺子」即店名既谐音🤣$23有8只而$42有16只，价钱吾算贵呀，其次出名既仲有鲜虾饺子、水饺子、紫苏饺子等等。刚入食店既时候，职员带位带我到bar枱坐，因为人太少如果影相会好尴尬😅所以四周嘅环境我都冇影。间餐厅大致分为正常嘅枱同埋bar枱，正常既多数系4人位，多数都系比两个人戈啲坐左，由于我系一个人食，所以坐bar枱。Chao Chao饺子 $23先叫左个Chao Chao饺子，正如我头先所讲，系有分8只同埋16只，16只对我黎讲太多了，于是最尾叫8只。头先我有提及自己系坐bar枱，坐戈度既特别之处在于师傅整食物后就可以即刻呈上比客人，而吾系由侍应特登拎比客
讲到呢度最出名既就当然系Chao Chao饺子，Chao Chao饺子既名应该系源自「饺饺饺子」即店名既谐音🤣$23有8只而$42有16只，价钱吾算贵呀，其次出名既仲有鲜虾饺子、水饺子、紫苏饺子等等。
刚入食店既时候，职员带位带我到bar枱坐，因为人太少如果影相会好尴尬😅所以四周嘅环境我都冇影。间餐厅大致分为正常嘅枱同埋bar枱，正常既多数系4人位，多数都系比两个人戈啲坐左，由于我系一个人食，所以坐bar枱。
Chao Chao饺子 $23
先叫左个Chao Chao饺子，正如我头先所讲，系有分8只同埋16只，16只对我黎讲太多了，于是最尾叫8只。头先我有提及自己系坐bar枱，坐戈度既特别之处在于师傅整食物后就可以即刻呈上比客人，而吾系由侍应特登拎比客人。等左一阵就有得食了，呈上既饺子外观好特别，系一层煎好左既皮，完整无缺的，而翻去后面就系一只只既饺子喇，每一只都比我想像中细，饺子同饺子之间会有少少痴埋一齐，但其实最主要系煎戈层皮连住，所以想逐只逐只食既就要「扯」开黎食。饺子皮同入面既肉都几易咬同埋鲜嫩，但若然再加上少许肉汁会更加好味。
Puri Puri 海老饺子 $45
跟住就叫左个人气No.2既海老饺子，佢嘅外皮好挺身，吾会塌左落黎，入面真系一粒粒虾肉，仲要系好新鲜𠮶只应该唔系冰鲜虾。而且相比起佢既Chao Chao饺子，我更喜欢佢嘅海老饺子，Chao Chao饺子嘅肉质其实都唔错，不过就会细只啲同埋单调啲，尝试花款嘅其实可以第一次就叫其他款黎食。
张贴
