Ben哥米線 (已結業)

咁啱嚟到新蒲岗做嘢，晏昼又想食米线，所以就试试呢间Ben哥米线。平时都系食开谭仔同三哥多，得闲都想发掘下其他好味嘅米线。入到餐厅，感觉环境卫生无谭仔咁舒服，亦都无人指示你坐边。平时都好钟意食谭仔嘅蕃茄汤加辣，所以就试试蕃茄酸辣汤底，由于本人系食辣癈J，所以就拣咗少少辣，同埋拣咗吸汤嘅蜂巢豆腐、萝卜同酸菜。蕃茄汤底唔同谭仔偏甜，饮落都重蕃茄味，但我觉得唔够酸，萝卜同酸菜都冇乜特别，推荐蜂巢豆腐，蜂巢豆腐本身都用麻辣汤底煮过，非常入味同吸汤。而米线可以加一蚊转七彩米线，同普通嘅米线冇乜分别，贪得意嘅话可以试吓。整体来讲唔算非常特别，但间唔时想转下口味可以一试。