蠔站 (將軍澳中心) (已結業)

今日公司开完会，与同事去食中午饭，平时中午都食开，叫几只蚝黎过吓瘾，话晒仲要工作。今日如常都系叫4只蚝，点知个貌似谭仔嘅姐姐话4只边够你食呀？应该叫一打…..语气都十足似去左大排档咁。我明白，做边行都要跑数，我都刚开完会比人捽数，但你做得服务业，对客态度可唔可以好少少？我叫得少，你个样就好似我欠左你咁。同其他同事讲返，原来佢地都有类似经历，原来已经成为左将军澳名物，真系失觉晒。想讲平时夜晚收工都间中会成班同事去食饭，开五六支酒闲闲地，你咁赶客，啲招呼方式咁咄咄逼人，应该都要谂同场嘅其他餐厅聚餐算。