影片
更多
2023-07-12
204 浏览
呢排见米线关注组好多人赞谭仔呢个出品- 烤鸡炸酱捞米线, 呢个出品好似早几年都出过一排, 啲人仲讲到等咗好耐终于出返, 好似好好味咁, 所以早几日经过谭仔就一于去试下! 佢预设系10小辣, 一嚟到见到中间咁大pat辣酱都吓一吓, 好彩食落去其实都唔系想像中咁辣~ 碗捞米线入面有一堆酸菜, 5旧鸡件, 少少芹菜同芽菜, 一大pat 炸酱同埋中间𠮶堆应该系辣酱嘅嘢, 我第一时间将堆酱捞埋米线试下, 味道嚟讲我觉得虽然冇乜惊喜, 但都算正正常常嘅, 酱嘅份量亦都足够捞晒成碗米线, 夹埋啲芹菜同芽菜一齐食令到口感更加丰富, 酸菜好爽口而味道都OK~ 不过啲烤鸡件真系唔多掂...一食落口一大浸应该系梳打粉嘅味....仲要5旧都有呢啲味平时出街食鸡扒都好少会食到咁样味道, 真系几失望! 希望谭仔真系改善一下.....另外啲米线亦都煮得太硬, 感觉食落肚会好易消化不良
张贴