瀧本日式料理

营业中

休息中

点解见咁多ig foodie卖广告，又多一式一样嘅好评，我都照黎？因为谂住作为一间新开嘅餐厅，QC理论上衰极有个谱挂，点知真系难食到趴街🙏🏻是日星期五晚市其实坐唔爆场，唔知点解出餐极慢之余啲嘢食基本上都系冻，炸嘢冻食咁仲算系炸吗？😅天妇罗炸浆仲又厚又淋。所有，系所有肉都好韧，香口胶都好咬过佢𠮶种。开头影咗一两张食物相咁大把，都冇心机了🚩张2人枱细之余，同隔离枱距离一定冇5cm，唔知以为成串都系同枱🙏🏻唯一可取之处系有位姐姐收碟快啰☺️最后本应食两个钟，一个钟就顶唔顺走咗，雪糕都冇攞😹浪费cheat day，过两条街大排档食返三个𩠌补数算。佢有分A B两个餐，价钱差200几蚊，好彩冇食贵🙏🏻真系不了，不了，不了。