影片
更多
2023-09-28
140 浏览
今日(27/9)我同屋企人到信德中心KFC打算享用最新嘅花生酱炸鸡同传说中嘅Fing Fing薯条。作为Spy x Family嘅拥趸以及花生酱爱好者，我非常期待呢一餐。我地大约夜晚8点20分到达，并喺28分用自助机完成点餐。正如附件嘅单据显示，我地点咗4个花生酱辣鸡丰盛套餐同一个E1。我心里一路亨Spy x Family 嘅主题曲，一路期待住花生酱炸鸡嘅酥香味，心谂今晚一定会回味无穷。5分钟，10分钟渐渐过去，主题曲到结尾曲都已经loop咗十几廿次。我越等越唔对路，就过去counter睇下发生咩事。眼见寥寥可数几个员工面临住十几张单，好落力咁执紧炸鸡，我就费事比压力佢哋。话晒自己都系大公司食物链最低层嘅齿轮，完全明白身为社畜有几辛苦，催促佢哋只会大家都唔开心。最后足足等咗22分钟（8点50分），机械嘅声音终于响起：「K3601请取餐」，喺我嘅耳内却系天使般嘅细语。要形容把声有几天使，就要从我嘅背景讲起。我已经减咗肥三个月，体重减咗10%，减糖减油戒淀粉，而且每日放工都去游水。你可能会问：减肥都仲食KFC？？？咁你就知道我有几钟意Spy x Family同花生酱。今日亦唔例外，我放工游
5分钟，10分钟渐渐过去，主题曲到结尾曲都已经loop咗十几廿次。我越等越唔对路，就过去counter睇下发生咩事。眼见寥寥可数几个员工面临住十几张单，好落力咁执紧炸鸡，我就费事比压力佢哋。话晒自己都系大公司食物链最低层嘅齿轮，完全明白身为社畜有几辛苦，催促佢哋只会大家都唔开心。
最后足足等咗22分钟（8点50分），机械嘅声音终于响起：「K3601请取餐」，喺我嘅耳内却系天使般嘅细语。要形容把声有几天使，就要从我嘅背景讲起。我已经减咗肥三个月，体重减咗10%，减糖减油戒淀粉，而且每日放工都去游水。你可能会问：减肥都仲食KFC？？？咁你就知道我有几钟意Spy x Family同花生酱。今日亦唔例外，我放工游完水先去食KFC，所以尤其肚饿。肚饿嘅我，难得破戒去食KFC嘅我，以及满心期待嘅我，三个我、三种欲望叠加起来，无情嘅机械声都可以变成天使嘅细语。
然后残酷嘅现实有如一把掌掴落我脸上。「点解花生酱炸鸡同家乡鸡一模一样嘅？」我心想。正当我疑惑之际，职员及时开口道：「唔好意思，我地无晒花生酱辣炸鸡，所以我俾左家乡鸡你。跟餐嘅烧鸡都唔够，我换咗鸡块俾你。然后E1亦都冇啦，先生你要E2好唔好？」纵使句子入面有问号，根据Linguistic佢嘅声音语调亦都系问句，但我根本毫无选择。
失落感同后悔充满我嘅内心，点解我唔早d嚟；点解我唔去第二间KFC；然后短短嘅几秒内我踏入cycle of giref嘅second stage: Anger and Blame；点解唔早d通知我，要我白白期待20分钟，再将我推落谷底。
如果系小时候嘅我，我应该会当场发烂渣，向职员发泄。但系投入职场咁多年，我明白个员工都只系打份工，佢只系尽佢嘅棉力搭救系统出错嘅后果。就算我问候晒佢祖宗十八代，现实都唔会改变，我都系唔会食到花生酱辣炸鸡。
本来嘅「KFC家庭乐」变成「KFC满失落」。我地几个你眼望我眼，极度颓废，直至我家姐讲左句：「其实有野食已经好好啦。」呢句简直一言惊醒梦中人：1. 饮品俾漏咗一杯，2. 家乡鸡/烧鸡超级细件，3. 唔知边度嚟嘅鸡块干憎憎，4. Fing Fing薯条无提供调味粉，但系呢一切都已经无所谓。
原来我都系资本世界消费主义下嘅受害者，又何必咁上心呢？
张贴
