影片
更多
2023-09-28
172 浏览
星期四三点半左右嚟到食个tea，谂住新开应该都唔错，加上前排见到好多宣传，所以怀着兴奋又紧张嘅心情嚟试吓🥳🥳🥳系出面望入去入座率大概三成左右，所以就行入去话2位唔该～ 点知都系要攞飞等🫥我朋友都呆咗，「吓咁多位都要等...?」可能啱啱新开，人手未ready挂😅唔紧要！都系等咗几分钟！一路入去朋友就话「啲音乐咁大声，有啲难倾计㖞⋯⋯」原来个喇叭系正上面，唔紧要！「麻烦帮我调位可以嘛？」因为系个闪下闪下嘅LED wall前食嘢我都觉得有啲晕⋯「噢系咪个LED令你晕呢？」原来你都知⋯⋯入到去其实有好多张卡位，我同友人都拎住几个袋，但最后安排咗个两座位枱櫈俾我哋，唔紧要！我见我附近都冇乜人，拉张凳放野应该可以嘅。但其实餐厅真系算少人，但都系好嘈，原因系喇叭真系好大声⋯⋯都算了。我觉得可能系啱啱开始做所以啲野未run得咁smooth，呢啲好容易改善到嘅，都冇乜影响心情，继续落单食嘢。我哋叫咗2杯野饮，分别系荔枝柠檬茶同埋百香果柠檬茶。友人嘅荔枝味真系完全饮唔出系咩嚟⋯⋯好彩我杯百香果都几香几好味。之后就上疏乎厘，好大个好似好正！但上碟个阵友人见到只碟有哒污糟咗，所以拎起咗，想叫侍应换咗佢。「我知
一路入去朋友就话「啲音乐咁大声，有啲难倾计㖞⋯⋯」原来个喇叭系正上面，唔紧要！「麻烦帮我调位可以嘛？」因为系个闪下闪下嘅LED wall前食嘢我都觉得有啲晕⋯「噢系咪个LED令你晕呢？」原来你都知⋯⋯
入到去其实有好多张卡位，我同友人都拎住几个袋，但最后安排咗个两座位枱櫈俾我哋，唔紧要！我见我附近都冇乜人，拉张凳放野应该可以嘅。但其实餐厅真系算少人，但都系好嘈，原因系喇叭真系好大声⋯⋯都算了。我觉得可能系啱啱开始做所以啲野未run得咁smooth，呢啲好容易改善到嘅，都冇乜影响心情，继续落单食嘢。
我哋叫咗2杯野饮，分别系荔枝柠檬茶同埋百香果柠檬茶。友人嘅荔枝味真系完全饮唔出系咩嚟⋯⋯好彩我杯百香果都几香几好味。
之后就上疏乎厘，好大个好似好正！但上碟个阵友人见到只碟有哒污糟咗，所以拎起咗，想叫侍应换咗佢。
「我知呀！你一拎起我就见到啦！」
⋯⋯？
从来未系Openrice出过食评，但呢间餐厅嘅服务系值得出一个评价俾大家知道真系好差好差。当中食物唔好食，环境唔啱心水，我都可以当系我品味问题。但餐具唔干净仲咁大声话个客人，真系佛都有火。警世。
张贴
