EFG Eat for Green (已結業)

店员态度超西唔讲以为杀咗佢全家，见佢落单又好唔情愿咁。之后到嘢食+38蚊要咗个set 个汤就系金宝汤，仲要系沟多咗水𠮶只，块多士细过曲奇饼，个沙律又细，沙律醋又冇 沙律酱又冇，唔讲以为食紧草。到正餐啦三文鱼又细又腥，pat薯蓉劲似粉沟岀嚟，死咸。之后到猪扒饭，睇落好似唔差咁，但块猪扒韧过我条命，啲饭又湿。之后就系芝士焗青口，等左20分钟都未到，但一话唔要啦埋单走人就拿拿临上菜，味道正常，但有一只细过我只手指尾。成餐饭最正常系杯嘢饮，巨峰乳酸梳打，正正常常，冇咩特别。但成餐overall系劲kick 真系不了 冇下次