影片
更多
2023-07-10
1051 浏览
难得放假去西贡谂住自己一个叹杯好啡，路过见到呢间标榜自家烘焙，我都好支持本地烘焙所以撞入去一试。体验同其他客人差唔多，一入铺就要睇一大堆规条规矩。一坐低老板就拎menu过嚟，其实都唔系好明，因为同平时嘅menu好唔同，佢有自己嘅language ,我呢啲手冲初哥系唔会睇得明，当然佢都无特别解释，我呢啲社恐亦都唔想太多交流，基本上我就乱点，谂住抱持开放嘅熊度，睇下有冇惊喜。我点咗一款hawaii 嘅豆，menu标价为$180。成间铺得我同老板两个人，佢喺bar枱冲紧咖啡嘅时候，我又坐喺门口咁远咩都睇唔到，我当然拎部电话出嚟，掩饰我内心嘅不安。呢个时候佢就话，呢度唔可以用电话。你又唔系同我相处，我又唔可以同电话相处，我顿时唔知可以喺呢个空间做啲咩，惟有呆坐。呢杯咖啡无乜惊喜特别嘅味道，味道同我买炭烧咖啡嘅挂耳包差不多，或者我本身不太喜欢深焙手冲，未够道行欣赏。只饮到咖啡系好顺滑，味道并无$180嘅惊艳。佢唔俾我用电话其实有啲压力，虽然假期无繁琐事务要处理，现代人要拎电话出嚟系无意识嘅动作，需要自律一下先可以完全放低，所以被要求放下电话并没有等如放下烦嚣，带来只有更压抑嘅气氛。最后饮完都只想
一坐低老板就拎menu过嚟，其实都唔系好明，因为同平时嘅menu好唔同，佢有自己嘅language ,我呢啲手冲初哥系唔会睇得明，当然佢都无特别解释，我呢啲社恐亦都唔想太多交流，基本上我就乱点，谂住抱持开放嘅熊度，睇下有冇惊喜。
我点咗一款hawaii 嘅豆，menu标价为$180。成间铺得我同老板两个人，佢喺bar枱冲紧咖啡嘅时候，我又坐喺门口咁远咩都睇唔到，我当然拎部电话出嚟，掩饰我内心嘅不安。呢个时候佢就话，呢度唔可以用电话。你又唔系同我相处，我又唔可以同电话相处，我顿时唔知可以喺呢个空间做啲咩，惟有呆坐。
呢杯咖啡无乜惊喜特别嘅味道，味道同我买炭烧咖啡嘅挂耳包差不多，或者我本身不太喜欢深焙手冲，未够道行欣赏。只饮到咖啡系好顺滑，味道并无$180嘅惊艳。
佢唔俾我用电话其实有啲压力，虽然假期无繁琐事务要处理，现代人要拎电话出嚟系无意识嘅动作，需要自律一下先可以完全放低，所以被要求放下电话并没有等如放下烦嚣，带来只有更压抑嘅气氛。
最后饮完都只想埋单走人，我明明点咗一杯$180嘅咖啡，佢最后收我$200。我系失败嘅社恐，无勇气喺咁压抑嘅气氛下开口问清楚，以为系加一服务费，离开再计一下，加了一都系$198，点解仲要收多$2？
hawaii有两款烘焙，另一款系$220，应该不存在落错单嘅误会。咁就唔知系信用咭手续费，定系我拎电话出嚟嘅罚款。
作为顾客见价钱有问题我照付款系我有问题，但佢都似乎有乱收钱之嫌，大家埋单请小心核实。
相信西贡其实有好多更好嘅咖啡选择。
张贴