影片
更多
2020-05-23
1439 浏览
未试过写食评，但系因为今次经验真系太差，觉得有需要同大家讲吓。一入到餐厅就觉得超级唔对路，啲装修- 好听啲就系日式家庭feel，唔好听米up up dup dup，都算！但系果阵味真系好好好劲鱼腥味！食过好多间omakase,普通日本餐厅，都绝对唔会有呢只味，up up 臭臭到我好想呕。🤮🤮🤮$699一个人嘅omakase真系冇谂过系咁嘅环境，仲要闻住啲咁腥臭嘅味，同埋有一只乌蝇飞来飞去，呢一刻已经好想走超级唔想食。（仲要无量度客人体温！）🤦🏻♀️🤦🏻♀️因为我自己到先，我女朋友未到，而我真系好顶唔顺成个感觉，未食都觉得好伏。咁我好有礼貌咁同寿司师傅讲：唔好意思啊，完来我朋友有啲唔舒服黎唔到，咁我下次先再黎帮衬🙇🏻♀️ 点知个日本师傅听唔明我讲咩。咁个女侍应就系后面即刻好无礼貌超级串咁讲: 咩唔舒服啊！点会你到左佢先话唔舒服，佢呢个时间应该都出咗门口啦！定系你睇左餐牌个价钱先想走！？ 师傅已经准备晒啲食材啦㖞！！我一秒吓傻咗，冇谂过入一间餐厅会有啲咁嘅待遇，请问呢啲系咩顾客服务？ 完全俾唔到反应⋯⋯果一刻完全觉得俾人威迫下一定要焗住食⋯⋯😥😥至于嘢食方面，8件寿司加一个海胆丼，寿司一啲
一入到餐厅就觉得超级唔对路，啲装修- 好听啲就系日式家庭feel，唔好听米up up dup dup，都算！但系果阵味真系好好好劲鱼腥味！食过好多间omakase,普通日本餐厅，都绝对唔会有呢只味，up up 臭臭到我好想呕。🤮🤮🤮$699一个人嘅omakase真系冇谂过系咁嘅环境，仲要闻住啲咁腥臭嘅味，同埋有一只乌蝇飞来飞去，呢一刻已经好想走超级唔想食。（仲要无量度客人体温！）🤦🏻♀️🤦🏻♀️
因为我自己到先，我女朋友未到，而我真系好顶唔顺成个感觉，未食都觉得好伏。咁我好有礼貌咁同寿司师傅讲：唔好意思啊，完来我朋友有啲唔舒服黎唔到，咁我下次先再黎帮衬🙇🏻♀️ 点知个日本师傅听唔明我讲咩。咁个女侍应就系后面即刻好无礼貌超级串咁讲: 咩唔舒服啊！点会你到左佢先话唔舒服，佢呢个时间应该都出咗门口啦！定系你睇左餐牌个价钱先想走！？ 师傅已经准备晒啲食材啦㖞！！
我一秒吓傻咗，冇谂过入一间餐厅会有啲咁嘅待遇，请问呢啲系咩顾客服务？ 完全俾唔到反应⋯⋯果一刻完全觉得俾人威迫下一定要焗住食⋯⋯😥😥
至于嘢食方面，8件寿司加一个海胆丼，寿司一啲都唔多款，切得又好厚，啲鱼好唔新鲜，仲觉得系臭臭地。最惨系有一件仲食到有鱼骨！佢𠮶个海胆仲要系有苦涩味！😡差差差！最好食系个豆腐雪糕！
嘢食差之外，仲有𠮶个所谓日本嘅师傅，对住我哋就扮晒要用英文沟通。明明就系同紧女侍应讲普通话。至于服务态度，虽然佢有为咗女侍应嘅事讲咗声对唔住，佢话个女侍应今日心情差所以先咁讲嘢。但系依个日本师傅之后serve我哋𠮶阵时，表面就礼礼貌貌，成日问我哋o唔ok，但系硬系觉得佢态度好差，啲动作要特登做到好大力，好似发紧脾气咁！
埋单要成$1400 2个人，真系食到成肚气！😭😤
之前见到OpenRice d review同埋佢有咁多好评，以为佢OK啦。都唔知点解会有咁多好评？！明明系世纪大伏餐厅，希望大家唔好再中伏！
我食完之后，我见到任何寿司刺身图片都好想呕。我谂我暂时都唔敢再食寿司住⋯⋯😓
张贴