Teresa Festival (已結業)

为了奖肥髀默书成绩好！所以收工去买靓饼奖佢！呢间经常搭车经过！门面好靓！田园感觉好清新！今日特登行去买，地点唔近地铁站，灯光柔和，地方干净！因为已经将近收工时间！雪柜内嘅西饼唔多！食家推介嘅「Double Cheese cake」都无！我企在雪柜前拣饼，店员对我笑一笑叫我慢慢，我见到其中两款饼好靓！就叫店员包起外卖！店员放入盒包好再收钱！个包装盒粉金色！几简约硬净！只收现金，唔算方便！返屋企打开，两件饼仲好靓仔！店家会比张雪花形状嘅蛋糕纸垫底，好靓好相衬！滑新白桃慕丝饼上面白桃啫喱上浮住几片细金箔，不过白桃肉唔多，饼底脆脆，但有啲散！好清好靓，慕丝好滑，白桃味道清甜唔假，好味！玫瑰花慕丝饼：一样有金箔在面，同白桃系相同样，不过系粉红色，多了几片干玫瑰花瓣在面，卖相靓，慕丝好滑，味道有护肤乳嘅感觉，花味蛋糕系好易出现呢个情况，味道强少许就会假，要做到香但清新好难！味道其实好味的！店员态度和蔼，气氛好静！唔知点解，出面系繁忙嘅湾仔收工时间，车来车往，但入到呢间店会觉得好静！好似出面嘅繁忙系唔关自己事一样！