影片
更多
2019-05-21
53 浏览
今日来到上水食晚餐，呢间食馆门面宽敞，坐位舒适，主打有点心、粥品、面、饭和厨部美食。每张枱都有一壶茶,一壶水让客人自己斟，店员亲切地介绍咗几个王牌点心给我们，上海小笼包、药膳鸡脚、誉小馆虾饺皇、黑松露带子饺、顺德双皮奶等，我哋惊唔够饱，自己再㨂多个香茜叉烧肠粉和木鱼烧茄子。上海小笼包一笼有四粒，里面有满满既汤汁同埋猪肉，一同上枱既醋汁里面伴随有姜丝，在小笼包中间笃个窿将醋汁倒入去，热辣辣咬落去，肉和汤汁迫哂出来，好传统既小笼包味道。药膳鸡脚里面有龙眼肉、党参、红枣、杞子，主打当然系炆到好淋，好入味既鸡脚啦，望住汤面已知胶质丰富，简直系女人既恩物，平常食多啲补充骨胶原，皮肤都靓啲。 望到木鱼丝就会谂起日本既章鱼小丸子，不过呢味唔系章鱼烧，而系煎酿三宝中的鱼肉酿茄子，鱼肉煎到香香地，茄子就外脆内软，加埋木鱼丝同埋烧汁好美味。誉小馆虾饺皇，简而言之就系超大粒既虾饺，面皮晶莹通透，咬落爽口弹牙，而且仲啖啖肉好饱肚。黑松露带子饺，黑松露大家都知好矜贵，食落味道有少少似蘑菇味，加上有一种独特既芳香味道，咸咸地咁样，带子就大大粒，下面系虾饺来的，一个点心食到三种唔同既味道 ，正。香茜叉烧肠粉一碟有三
今日来到上水食晚餐，呢间食馆门面宽敞，坐位舒适，主打有点心、粥品、面、饭和厨部美食。每张枱都有一壶茶,一壶水让客人自己斟，店员亲切地介绍咗几个王牌点心给我们，上海小笼包、药膳鸡脚、誉小馆虾饺皇、黑松露带子饺、顺德双皮奶等，我哋惊唔够饱，自己再㨂多个香茜叉烧肠粉和木鱼烧茄子。
上海小笼包一笼有四粒，里面有满满既汤汁同埋猪肉，一同上枱既醋汁里面伴随有姜丝，在小笼包中间笃个窿将醋汁倒入去，热辣辣咬落去，肉和汤汁迫哂出来，好传统既小笼包味道。
药膳鸡脚里面有龙眼肉、党参、红枣、杞子，主打当然系炆到好淋，好入味既鸡脚啦，望住汤面已知胶质丰富，简直系女人既恩物，平常食多啲补充骨胶原，皮肤都靓啲。
望到木鱼丝就会谂起日本既章鱼小丸子，不过呢味唔系章鱼烧，而系煎酿三宝中的鱼肉酿茄子，鱼肉煎到香香地，茄子就外脆内软，加埋木鱼丝同埋烧汁好美味。
誉小馆虾饺皇，简而言之就系超大粒既虾饺，面皮晶莹通透，咬落爽口弹牙，而且仲啖啖肉好饱肚。
黑松露带子饺，黑松露大家都知好矜贵，食落味道有少少似蘑菇味，加上有一种独特既芳香味道，咸咸地咁样，带子就大大粒，下面系虾饺来的，一个点心食到三种唔同既味道 ，正。
香茜叉烧肠粉一碟有三条，台面有调味料，甜豉油就可以根据自己的口味另上，系几饱肚既点心之一。
顺德双皮奶，其实就系姜汁撞奶，又白又滑，有好浓沃既姜味。如果喜欢食姜既朋友，一定唔可以错过啦 !
张贴
