譽小館 (已易手) 新餐厅

「唔返大陆，人生就无意义」就系因为佢呢一句话，我就跟左佢返大陆，体验下咩系「人生意义」。本来几个朋友约埋系上水出发。点知某条蛋散迟大到，咁唯有系彩园广场行一阵，经过地下见到呢间餐厅，居然有得食点心，环境干净企理，边食边等起码有位坐下嘛。一坐低，餐厅丫姐已经好好招呼，仲主动提埋我地有下午茶。原来呢到星期六日都有下午茶食，同样32蚊已经可以任选两款手工点心，仲唔洗收加一。而落单都系用点心纸，想食乜就昼乜。食点心点可以唔叫虾饺同烧卖。烧卖外皮够软熟。肥猪肉吃落好顺滑，虾肉弹牙爽口，推荐！虾饺晶莹剔透，外皮厚度适中，虾肉塞到满一满。仲叫左鲜虾云吞，山竹牛肉，鲜竹卷，叉烧肠，咸水角同糯米鸡。鲜虾云吞38蚊有8粒，大大粒，仲要粒粒都新鲜弹牙，我系连个汤都饮埋。山竹牛肉蒸得啱啱好，口感弹牙嫩滑，加埋喼汁真系叔叔都不行了。鲜竹卷好JUICY，唔知点解只要用腐皮卷埋一齐就会觉得好好味，好神奇。叉烧肠肠粉同叉烧既比例做得好好，唔会过多又唔会过少，而且叉烧分布得好平均，好食。咸水角外皮脆卜卜，入口烟韧，充满咸香。糯米鸡我朋友食，我冇试到。见只糯米鸡咁大只，就问朋友好唔好食。点知佢答我「呢只糯米鸡好有鸡味」。