澳門翠苑餐廳

营业中

休息中

呢间餐厅食左好多年，次次两个人去都会叫个咖哩牛腩农夫包餐慢慢叹，一排冇去帮衬，今次一去都几失望。讲返个环境，都系一般街市熟食档，当然唔好期待周围好干净好好坐。但今次去到，执台又冇人执，到有人执台，又将台面垃圾扫落地，恶性循环，咁嘅环境只会越黎越差讲返食物，其实除左咖啡牛腩农夫包餐以外，我咩都未食过。以前每次去都好满足，咖哩好香，少少辣，牛腩又淋份量又足，一搣开个包直情系热到辣手！面包皮外脆内软，点落咖哩汁到系人生一大乐事！今次再去，首先个餐已变成60蚊，不过两个人share都算平。跟餐嘅葡式牛腩汤一如以往咁好饮，酸甜度适中，好香牛味。咖哩汁另上，唔会整淋晒个包。打开锡纸，搣开个包，依然系热辣辣，牛腩香扑鼻，个包外脆内软的确系一绝。可惜，败笔在于咖哩汁，冇左以前阵咖哩香，食落好淡口，冇咩味。但个汁又唔系稀架㖞，我估可能系调味唔同左？总知同以前争好远。其实个包嘅精粹在于个咖哩汁，希望餐厅可以改善下，令我可以重温昔日美味。