福晉薈

营业中

休息中

变了，确实变了，同之前食完全两回事，啲特色点心冇晒。叫返同之前相同款式嘅食物，分别就系大，特别就系个尖椒冇咗厚厚嘅墨鱼胶同埋唔系用彩椒。另外叫咗个小食香芒虾球，𠮶份都做得几厚。个咸鱼咖喱饭炒得几香，但系食落去就冇乜咸鱼味。个牛肉饼好似生煎包，同埋里便啲牛肉好似食紧山竹牛肉咁。咁唔系完全失望嘅，都有好食嘅地方。例如个蚬蚧鲮鱼球，而家好难得有酒楼啲蚬蚧酱系有咁大粒嘅蚬肉食。个鸳鸯卷都好食，最好食都系个推广$10嘅排骨陈村粉真系抵。同埋下午茶难得有粥食，热辣辣嚟到嘅时候仲系滚到起泡，又唔会太稀。整体嚟讲如果之前冇食过就唔会有咁大落差。不过总算不过不失。