千銅和食屋 (已結業)

大家有冇试过一间舖头连续食咗三日呢？😂可想而知「千铜和食店」有几咁好食，食极都唔厌！👍第一晚来独自享受，叫咗「腐皮豆腐沙律」、「滑蛋浸菠菜」、「蟹肉玉子烧」。头两样常常食，特别钟意食，尤其系腐皮豆腐沙律，百食不厌！第二日约朋友再来吃，今次试「蟹国天丼」，有炸软壳蟹、蟹膏、蟹籽、蟹肉、日本直送珍珠饭、真系太美味，满足哂喜欢蟹的需要，食咗会上瘾，心挂挂几时再食；尤其蟹膏用嚟捞饭，特别香口入味。今日加腐皮豆腐沙律，朋友都话超好味，下次要再食！第三日同家人又再来，今日转食「虾国天丼」，有炸大虾、七色大虾、吉列炸虾、樱花虾、日本直送珍珠米，珍珠饭上面铺满了樱花虾，真系又香又美味！😋 但系始终觉得蟹膏捞饭最好食！今日再加配腐皮豆腐沙律、蟹肉蟹籽沙律，啲沙律点食都唔厌。真系要称赞靓女老板娘（我估系老板娘😂），次次都招呼周到，又细心又有礼貌，满面笑容，想唔来帮衬都唔得，当然重点系啲食物系好食先啦！😂