皇廷酒家 (已結業)

以前呢间皇廷酒家唔错㗎，唔驶等之余，点心都算中上，价钱亦合理，唯一地点唔太方便，不过揸车就唔系问题，仲要通常都俾泊车券免小小泊车钟！而家，点心味道变差：鲜虾菜苗饺个皮超厚、潮州粉果个皮仲衰，入口变浆糊！😖叉烧肠粉又系皮厚，啲叉烧系无烧烤过，好似普通猪肉、福建炒饭就又阵油味，不过已经系最好果样！两老食到咀歪歪🙁（我真不孝😞）。埋单谂住叫佢俾泊车券，点知个部长话要食过$350先有优惠！一般4人家庭响呢啲中价酒楼饮茶未必饮到呢个数呀！你个场嘅优势系吸引泊车人士，泊车无优惠就已经大打折扣，再加上食物质素变差，我哋即时同埋单嘅阿姐反映食物奇差之余，泊车优惠都cut 咗，点叫人再帮衬呀！😡