生記山西刀削麵 (已結業)

第一次食佢都有起码4，5年，果时仲系细铺，人少少下午茶又抵食，唔使40蚊有野饮。而且真系好好食，汤系清，但个辣汁惹味，我由以前食少辣一路食到中大辣都系因为佢，停唔到口。慢慢人流多左，我叫手拉面d粉粗左冇咁滑，刀削面厚左又难咬左，不过个汤同辣依然ok。我最爱依然系手撕鸡。装修后的上个月，OT放工返元朗都成9点10点，难得佢开张又再入去食。空间大左靓左光猛左。同样的手撕鸡拉面，要47蚊，不过连个汤都味精左，鸡少左，面好似都少左dd。唯一系个辣汁惹味，不过只赞个汁我都讲到唔好意思。有失望，希望可能个汤清返d，面都拉返以前个水准。