影片
更多
2010-06-14
27 浏览
星期日下昼两点几, 又潮湿又翳焗.. 唔想去太远.. 扛算近近地.. 记得红磡最近又有两间新食店, 一间响郁香园隔离食pasta, 另一间就系呢间. 因为巴士落得近嘅关系, 我就试左蒙面喇..一入去, 地方光猛企埋.. 车仔面黎讲数一数二干净少杂物(可能新). 撞正下午茶时段.. 两𩠌面连鸡翼, 或者三𩠌面 都系 $20碗, 送豆浆... 汤底又有得转冬荫公 或者蕃茄薯仔.. 卒之点左... 三𩠌面 (萝卜, 猪手, 牛根, 油面) + 豆浆 ...$20 两𩠌面 (凤爪, 炸鱼饼, 米线) + 2pcs 香草鸡翼 + 豆浆 ...$20 + $3 转蕃茄汤底 叉烧一串 ...$8 麻辣鸡翼三件 ...$10三𩠌面入面, 牛根份量劲多, 够淋又入味. 萝卜清甜冇渣, 猪手够淋但系可以再炆耐d入味d 仲好.. 油面正常质地... 豆浆细细杯, 不过胜在够冻, 正! 两𩠌面转左蕃茄"浓"汤底. 其实即系蕃茄薯仔汤. 味道不至于浓汤, 但做汤底够哂味. 又有几旧蕃茄薯仔做𩠌. 最正系食唔出落左师傅. 可以(够胆)饮哂嘅车仔面汤底都系第一次. 入面d 凤爪同猪手一样都淋, 不过又系可以
一入去, 地方光猛企埋.. 车仔面黎讲数一数二干净少杂物(可能新). 撞正下午茶时段.. 两𩠌面连鸡翼, 或者三𩠌面 都系 $20碗, 送豆浆... 汤底又有得转冬荫公 或者蕃茄薯仔.. 卒之点左...
三𩠌面 (萝卜, 猪手, 牛根, 油面) + 豆浆 ...$20
两𩠌面 (凤爪, 炸鱼饼, 米线) + 2pcs 香草鸡翼 + 豆浆 ...$20 + $3 转蕃茄汤底
叉烧一串 ...$8
麻辣鸡翼三件 ...$10
三𩠌面入面, 牛根份量劲多, 够淋又入味. 萝卜清甜冇渣, 猪手够淋但系可以再炆耐d入味d 仲好.. 油面正常质地... 豆浆细细杯, 不过胜在够冻, 正!
两𩠌面转左蕃茄"浓"汤底. 其实即系蕃茄薯仔汤. 味道不至于浓汤, 但做汤底够哂味. 又有几旧蕃茄薯仔做𩠌. 最正系食唔出落左师傅. 可以(够胆)饮哂嘅车仔面汤底都系第一次. 入面d 凤爪同猪手一样都淋, 不过又系可以炆耐d 更好. 炸鱼饼一睇个样就似四洲旗下工厂出品. 食落竟然有d 意想不到! 充满香茅味, 同平时去食越南野食散叫炸鱼饼, 虾饼一样咁香口. 意外惊喜 ~
香草鸡翼烧得香, 皮脆微焦.. 唔够喉叫多3只, 试麻辣鸡翼. 烧得又脆, 孜然味又香. 可惜麻辣粉落得重手左d... 越食越麻... 对我黎讲, 轻手一点较好.
Menu上叉烧串系推介野, 所以都点埋. 蜜汁够多配上㶶边叉烧, 又真系几好食~
整体水准系以平价车仔面黎讲, 属中上, 加上地方干净整洁坐得舒服, 一定会再去帮衬
p.s. 见到佢个名, 就不期然谂起幪面超人(我系RX年代), 变身!!
张贴
