小明珠 (已搬遷) 新店位置

午饭时间，劳录嘅员工们最爱嘅时间，同左同事去左食小明珠。自始有次一位同事带左我地去试呢间餐厅之后，我地去小明珠嘅次数就开始慢慢上扬。门口有人睇紧menu，为免要挂排队，拿拿临抢闸先。呢度嘅款式都几多选择，而且价钱都几实惠！铺内、家具都系中式装饰，店家都有花心思系门面上。我叫左个四川云吞担担面（$43），转左做小辣。虽然上台个样有点不济，但食落口系意外地好食，味道非常刚好，少少辣带小麻小酸，入口非常香口，而且好醒胃。 同事分别叫左红烧牛肉饭（$49）、麻婆豆腐饭（$43）、酸菜鱼片饭（$58）、重庆辣鸡扒面（$46），全部都份量超足！但个个都清空，我估味道点都唔会差得去边。