影片
更多
2009-10-26
14 浏览
今日(26-10-2009 Mon)同男友睇完戏,行经呢o度,再次话佢知呢o度o既韭菜饼同糯米糍系好好食,于是买畀佢试.今次买o左$2.50一个o既豆沙糯米糍同韭菜饼并$9.00.韭菜饼系热辣辣o架,返到屋企,即同男友先试香喷喷o既韭菜饼,男友话真系好好味,不过食唔够一半就觉得漏啦,虽然唔多猪肉,但饼皮吸晒啲油,就漏啦.而今次饼皮比我07年食时厚啲.(真系好耐冇食喇.当时食评:http://www.openrice.com/restaurant/commentdetail.htm?commentid=1864061)味道: 3.5分而豆沙糯米糍呢,未食依然嗅到佢o既糯米粉香味,食落,豆沙唔太甜且好细滑,糯米皮烟韧,唔干又软熟,,keep到水准,果然冇介绍错畀男友.不过最好食o既花生糯米糍卖晒,唯有下次有机会再买畀男友试啦.味道: 5分至于标题上o既’变o左’,唔系指食物,而系二姐o既态度,唔知系咪生意太好,态度变得冇咁好,高窦.叫佢两声都唔应你,咁我唯有照讲,要一个豆沙糯米糍同一件韭菜饼,佢都系唔应我就执,但就执件豆沙茶粿,既然佢唔应我,我都唯有扮唔知系咪执畀我,都照讲唔系茶粿而系糯米
今次买o左$2.50一个o既豆沙糯米糍同韭菜饼并$9.00.韭菜饼系热辣辣o架,返到屋企,即同男友先试香喷喷o既韭菜饼,男友话真系好好味,不过食唔够一半就觉得漏啦,虽然唔多猪肉,但饼皮吸晒啲油,就漏啦.而今次饼皮比我07年食时厚啲.(真系好耐冇食喇.当时食评:http://www.openrice.com/restaurant/commentdetail.htm?commentid=1864061)
味道: 3.5分
而豆沙糯米糍呢,未食依然嗅到佢o既糯米粉香味,食落,豆沙唔太甜且好细滑,糯米皮烟韧,唔干又软熟,,keep到水准,果然冇介绍错畀男友.不过最好食o既花生糯米糍卖晒,唯有下次有机会再买畀男友试啦.
味道: 5分
至于标题上o既’变o左’,唔系指食物,而系二姐o既态度,唔知系咪生意太好,态度变得冇咁好,高窦.叫佢两声都唔应你,咁我唯有照讲,要一个豆沙糯米糍同一件韭菜饼,佢都系唔应我就执,但就执件豆沙茶粿,既然佢唔应我,我都唯有扮唔知系咪执畀我,都照讲唔系茶粿而系糯米糍,果然,佢系执o紧畀我,佢就入返个糯米糍落袋.然后去入件韭菜饼,之后只拎件韭菜饼行返o黎畀我,收$9.00.
咁豆沙糯米糍呢?我行出去时,见到有个胶袋装住件o野,我就拎起佢,果然系我件豆沙糯米糍.呢位亚姐真系唔掂,令我几失望.
如果唔系亚姐态度唔好,好肯定仍然会畀个笑面啰.
张贴