影片
更多
2020-01-12
1174 浏览
之前行街经过呢间餐厅就觉得装修几靓，经过一段时间睇到人IG STORY有介绍呢间餐厅，就决心去一试究竟。试完就上瘾，至今已经食咗两次，期待食第三次。我地每次去都无Book位，六点半去到个场已经full，不过即场攞筹等位，两个人等咗一个钟到就可以入去食。汤底我地每次都系叫双拼，一次系清汤拼沙嗲，一次系清汤配酸菜。我就觉得有清汤已足够，清汤入面又大大旧牛肉，我都会先捞起嚟食。呢度嘅酱汁先系重点，黄油酱油真系好味，好香甜。我每次都会调制两个酱汁，1：黄油豉油+葱+芫茜 （可以食得出牛肉原汁原味之余又可增添风味）2：牛肉汁+沙茶酱+蒜蓉+葱 （捞咩食都好味，捞乌冬就一流！）牛肉方面我地都系集中点本地牛，咩名我都唔记得，求其点边款都好食。垫枱纸会写明唔同部位需要煮几多秒，跟住做就可以食得最佳口感。其他配料必点系滑豆腐，呢度嘅滑豆腐系我食过最好食嘅豆腐，好滑之余又有豆香，强烈推介。环境方面主打怀旧主题装修，座位舒适度高，几阔落，嘢食可以摆系架到，唔驶就住记住，唔会觉得压迫。坐得舒服，有靓牛食，连豉油都好食，滑豆腐好食到令人惊喜，仲有不设加一。两个人食埋单都系五百几，价钱合理。我每次推介比朋友我都觉
我地每次去都无Book位，六点半去到个场已经full，不过即场攞筹等位，两个人等咗一个钟到就可以入去食。
汤底我地每次都系叫双拼，一次系清汤拼沙嗲，一次系清汤配酸菜。
我就觉得有清汤已足够，清汤入面又大大旧牛肉，我都会先捞起嚟食。
呢度嘅酱汁先系重点，黄油酱油真系好味，好香甜。
我每次都会调制两个酱汁，
1：黄油豉油+葱+芫茜 （可以食得出牛肉原汁原味之余又可增添风味）
2：牛肉汁+沙茶酱+蒜蓉+葱 （捞咩食都好味，捞乌冬就一流！）
牛肉方面我地都系集中点本地牛，咩名我都唔记得，求其点边款都好食。
垫枱纸会写明唔同部位需要煮几多秒，跟住做就可以食得最佳口感。
其他配料必点系滑豆腐，呢度嘅滑豆腐系我食过最好食嘅豆腐，好滑之余又有豆香，强烈推介。
环境方面主打怀旧主题装修，座位舒适度高，几阔落，嘢食可以摆系架到，唔驶就住记住，唔会觉得压迫。
坐得舒服，有靓牛食，连豉油都好食，滑豆腐好食到令人惊喜，仲有不设加一。两个人食埋单都系五百几，价钱合理。
我每次推介比朋友我都觉得自己浮夸，但实情真系好食。
17 浏览
1 赞好
0 留言
张贴
