Rakuraku 樂拉麵 (康怡廣場北座) (已結業)

囡囡放学后，又带佢去近近哋既康怡食饭。囡囡钟意日本菜，佢话好耐冇食过拉面，拣咗乐拉面食晚饭。我地叫了一个香葱鸡汤拉面，同一个蒲烧鳗鱼饭，再加个和风沙律，多啲蔬菜平衡营养。先来和风沙律，有车厘茄，生菜，粟米粒，青瓜片同昆布，酱汁就系芝麻汁，几清新开胃。香葱鸡汤拉面面头有好多葱，糖心蛋流心，望到都想食。汤底浓郁，有鸡味，拉面几弹牙，配埋啲爽口嘅木耳丝，十分美味。蒲烧鳗鱼饭的鳗鱼烧得甘香，鳗鱼肥美，配粒粒分明嘅珍珠米，及甜甜地嘅鳗鱼汁，非常好味，大家都食得津津有味。餐厅环境几阔落，我哋坐卡位几舒服，墙上有一啲色彩缤纷嘅猫猫图案，很可爱。