影片
更多
2022-01-21
2211 浏览
Chef Stage de Eddy Chu回带系列 我地本身都好少食西餐，但适逢小妹生日，男朋友就揾咗间西餐既私房菜同我庆祝下。餐厅位于19楼高层，景观开扬，可以睇到海景同城市靓景！但可惜既系当日佢地只系比咗走廊位我地。。。如果想坐窗口位，大家记得要预早book定。餐厅食物既选择都算多，大家可以散叫，唔想谂太多，可以叫set。米酒煮纽西兰托托蚬由于我地都好钟意食蚬，所以我地叫咗呢个米酒煮托托蚬做前菜。 托托蚬好大只，而且好鲜甜。厨师手势好好，蚬清洁得好干净，完全冇沙系入面。连埋个汁一齐食，每一啖都会渗出酒既香味，好好食！男朋友最后连个汁都饮埋，真夸张。。。慢烧美国牛肉眼 (4成)本身见到4成，都有少少却步，因为自己本身都少食咁生既牛扒，最多都系5成，但男朋友系茹毛饮血既人黎，所以最后我地都叫咗。到上碟果阵，我地都哗咗声，因为块扒真系好大块。由于佢系慢煮既关系，牛扒既颜色系偏红既，同埋切既时嘅，会有少少血水，但可以接受。而牛扒肉质非常粉嫩多汁，而且肉味香浓。筋亦唔会好似象筋咁咬唔郁，连埋少少肥膏食，香味更浓郁。原板加拿大鲜海胆配纽西兰蛏子白汁扁意粉原本谂住系意粉上面有少少海胆陪衬下。点
回带系列
我地本身都好少食西餐，但适逢小妹生日，男朋友就揾咗间西餐既私房菜同我庆祝下。
餐厅位于19楼高层，景观开扬，可以睇到海景同城市靓景！但可惜既系当日佢地只系比咗走廊位我地。。。如果想坐窗口位，大家记得要预早book定。
餐厅食物既选择都算多，大家可以散叫，唔想谂太多，可以叫set。
米酒煮纽西兰托托蚬
由于我地都好钟意食蚬，所以我地叫咗呢个米酒煮托托蚬做前菜。 托托蚬好大只，而且好鲜甜。厨师手势好好，蚬清洁得好干净，完全冇沙系入面。连埋个汁一齐食，每一啖都会渗出酒既香味，好好食！男朋友最后连个汁都饮埋，真夸张。。。
慢烧美国牛肉眼 (4成)
本身见到4成，都有少少却步，因为自己本身都少食咁生既牛扒，最多都系5成，但男朋友系茹毛饮血既人黎，所以最后我地都叫咗。
到上碟果阵，我地都哗咗声，因为块扒真系好大块。由于佢系慢煮既关系，牛扒既颜色系偏红既，同埋切既时嘅，会有少少血水，但可以接受。而牛扒肉质非常粉嫩多汁，而且肉味香浓。筋亦唔会好似象筋咁咬唔郁，连埋少少肥膏食，香味更浓郁。
原板加拿大鲜海胆配纽西兰蛏子白汁扁意粉
原本谂住系意粉上面有少少海胆陪衬下。点知佢直接上两板海胆黎，我地都呆咗。我哋两个都好钟意食海胆，咁就唔洗争，yeah😃
海胆好鲜甜，意粉煮得啱啱好，不过蛏子既存在感就低咗少少。
26 浏览
0 赞好
0 留言
张贴
