金鶴拉麵 (荷李活道) (已結業)

星期日打算去中环试下新开鲷鱼拉面🍜，但原来佢星期日休息😢！唯有去附近既金鹤拉面，食返个鸡白汤拉面补数！金鹤拉面既鸡白汤拉面非常出名。汤底用左6小时熬制鸡汤，所以你会食到一阵纯鸡香味。鸡汤经过泡打后，非常滑身，我觉得非常似罐头忌廉鸡汤😂！浓味又滑身，我差唔多饮左成碗！配料方面一点都唔马虎，炸牛蒡非常吸引，叠到好高，牛蒡条非常薄身，又炸得脆口😋，不过有少少油腻感😂！另外，拉面有两片厚切慢煮鸡肉，食落好稔，带有微微鸡味👍🏻！叉烧口感相约，但较薄身，口感差一点！酱油糖心蛋处理得刚刚好，中间流心好吸引😍！拉面就中规中矩，都挂到汤。不过果阵鸡白汤味道真好浓郁，加上浓稠口感，更让人回味！饺子🥟细细只，因为系炸饺子，食落好脆口👍🏻！整体上，拉面真好好味😋！不过，你问我，座银定金鹤好味D，我觉得鸡白汤味道都差唔多，都系咁浓郁！不过我觉得好似座银D汤打得更松。另外，座银鸡白汤拉面有海鲜口味，鸡汤味道更有变化同更丰富。