Tipsy burger (已結業)

朋友带咗佢呢间细细汉堡包店帮衬，个名叫Tipsy burger，打开个Menu见到佢嘅汉堡包，就明佢个名点解，原来可以加酒类-威士忌，伏特加，韩式烧酎同埋冧酒在包内。同埋呢度仲有Happy hour$88可以有个小食加两支啤酒，几适合你同朋友饮吓啤酒同手工啤，我就叫咗一个牛油果酱玉米片，有啲牛油果红葱头蕃茄碎几惹味。朋友叫咗个双重芝士手打牛肉汉堡，我就叫呢个威士忌芝士手打牛肉汉堡。包上枱见到个size都几有份量，包会放在黑色嘅器皿上面，卖相几吸引！包嘅外皮应该都系订做，所以好松软啊！我叫嘅威士忌汉堡，原来配合一支细细支嘅威士忌，可以自己加入个包里面，食嘅时候会多咗种酒香，威士忌同牛肉又几配搭几香浓，手打牛肉非常Juicy，又多了一种木桶嘅烟熏味。除咗芝士蕃茄生菜，里面好似冇生洋葱，配咗啲日式葱段，各类蔬菜都新鲜爽口，小店食物都算有个人特色，嗜酒嘅人应该特别钟意！