泰鳩

营业中

休息中

店舖装修比较年青，色彩鲜艳，播住泰文歌，店员都是年青人，做嘢快手，招呼唔错。自己自行用QR code落单。泰式拼盘 $192入面有齐虾饼，鱼饼，串烧鸡，串烧猪，仲有春卷同鸡翼。全部都系香口嘢，炸得唔错，唔会油冧冧，好适合送啤酒。火山骨（大） $192有三件大大件嘅排骨，叫咗小辣，辣度刚刚好，店员会俾埋手套，用手套食好方便。芒果糯米饭 $78卖相好吸引，芒果够晒甜，有黑白两色糯米饭，另外附上椰浆，是很好的饭后甜品。椰青 $48大大只又新鲜，有俾埋匙羹，方便食啲椰青肉，我自己很喜欢吃椰青的肉，很清甜。龙眼冰 $38劲多龙眼肉，好足料，出奇地好饮。我习惯早食饭，六点几去到，入座时唔多人，不过未到七时已经客满，如果星期五六去最好都系订位。上菜速度都算几快，店内环境亦舒适，地点就脚，很适合三五知己倾偈食饭。用心写食评，希望分享食后感给大家，喜欢请追踪和按赞，谢谢。