西貢越南真味

营业中

休息中

九龙城泰菜多, 试过几间九龙城越南菜尚算可以，今日再去越南餐厅踢馆。7pm到无咩客唔洗等位，同友人跟住厨师推介，叫左海南鸡饭、鲜虾蟹膏汤檬，同埋牛油鸡翼。先黎海南鸡饭，黄油饭香、海南鸡亦都滑，重点系有个小辣嘅的酸汁，令本身above average 嘅鸡立即升level。蟹膏汤檬，味道好夹。虾坚系鲜虾，爽得黎仲有鲜味，唔系冰鲜味道。而檬粉都吸左汤底的精华，食到Lam lam脷。牛油鸡翼味道非比寻常，牛油加少许蒜粒令香味更浓郁，内里肉质嫩滑，再滴少许青柠汁，食起黎唔觉肥腻，毫无罪疚感。呢道菜绝对值得翻啅！本身仲叫左春卷，不过好彩卖晒，因为三样野已经食到我地顶住个胃。性价比高、味道又好，九龙城都唔只得泰菜拣。食完饭，发现已经几枱等紧位，好彩黎得早。