影片
更多
2022-01-06
37 浏览
有咗屯马线之后去土瓜湾真系方便咗好多，之前听朋友话土瓜湾好多好正野食，而家终于易啲去到啦！一入去好似去咗日本嘅居酒屋咁，店员介绍一些特式菜式，另外会SHOW 个黑板系当日精选。首先系一人一个店员推介的丼饭，仲有拣咗两款小食。上丼之前先黎一人一碗味噌汤以及一个沙律，用心的日本料理餐厅系会自己煮味噌汤，呢到仲加咗蚬肉同昆布，增加汤的特式。蟹皇酱烧蟹膏豆腐($48)唔好睇佢绿绿地色细细件，佢入口惊为天人，好似食咗一大啖浓郁的蟹膏，完全唔似食紧豆腐。豆腐面加咗炙烧的蟹皇酱，蟹膏味响口到停留好耐，切碎的葱粒可以减少蟹的腥味，又唔会盖过蟹的鲜味。矶烧北海道珍宝帆立贝($68)帆立贝有原来有第二个食法，帆立贝用酱油渍的方法，表面用火枪烧一烧，放在海苔上面，连埋少许七味粉夹住一齐食，海苔味吊起帆立贝的鲜味，呢个食法真系好特别。炎之丼($198) 推!呢个丼主要系炙烧，入面有三文鱼蓉、右口鱼边、牛油酱烧帆立贝、海胆酱甜虾蓉、蟹膏豆腐。入面最惊喜帆立贝，唔系刺身咁简单，两面用牛油酱焫过，似食紧西餐的牛油带子，非常特别。其他的鱼蓉同虾蓉等都有调味过，配合埋酱油饭，令炎之丼的味道更浓郁! 花锦鱼生丼($188
有咗屯马线之后去土瓜湾真系方便咗好多，之前听朋友话土瓜湾好多好正野食，而家终于易啲去到啦！
一入去好似去咗日本嘅居酒屋咁，店员介绍一些特式菜式，另外会SHOW 个黑板系当日精选。首先系一人一个店员推介的丼饭，仲有拣咗两款小食。
上丼之前先黎一人一碗味噌汤以及一个沙律，用心的日本料理餐厅系会自己煮味噌汤，呢到仲加咗蚬肉同昆布，增加汤的特式。
[推!]蟹皇酱烧蟹膏豆腐($48)
唔好睇佢绿绿地色细细件，佢入口惊为天人，好似食咗一大啖浓郁的蟹膏，完全唔似食紧豆腐。豆腐面加咗炙烧的蟹皇酱，蟹膏味响口到停留好耐，切碎的葱粒可以减少蟹的腥味，又唔会盖过蟹的鲜味。
矶烧北海道珍宝帆立贝($68)
帆立贝有原来有第二个食法，帆立贝用酱油渍的方法，表面用火枪烧一烧，放在海苔上面，连埋少许七味粉夹住一齐食，海苔味吊起帆立贝的鲜味，呢个食法真系好特别。
[推!]炎之丼($198) 推!
呢个丼主要系炙烧，入面有三文鱼蓉、右口鱼边、牛油酱烧帆立贝、海胆酱甜虾蓉、蟹膏豆腐。
入面最惊喜帆立贝，唔系刺身咁简单，两面用牛油酱焫过，似食紧西餐的牛油带子，非常特别。
其他的鱼蓉同虾蓉等都有调味过，配合埋酱油饭，令炎之丼的味道更浓郁!
[推!]花锦鱼生丼($188)
超丰富海鲜的大聚会，最新鲜的刺身同上了酱油的饭放埋一齐，啖啖都有食到唔同种类的海鲜，有三文鱼、白身鱼、赤虾、右口鱼边、金蟹子、三文鱼子、樱花虾、虾膏豆腐、青瓜、甜蛋、玉子渍、松叶蟹和蚬肉。要注目的系玉子渍开头以为系蛋黄加酱油，但佢系腌制过的玉子，蛋黄系温泉蛋一样的糖心状态，要捞埋饭先最正，份量好少，食个阵要好好分配。
见佢两个丼都咁出色，要加码试多两款刺身：
深海池鱼刺身($78)
哗!都见过1只半手指咁厚的刺身，池鱼肉质偏爽口，无其他词语可以形容，鲜!
赤贝刺身($58)
非常新鲜的橙黄色，食落爽甜，份量都好大，连裙边都可以食埋。
张贴
