影片
更多
2021-06-15
2795 浏览
九龙城不嬲都有唔少好野食，除左随处可见既泰国菜外，其实响复杂既横街下，都有唔少既隐世小店响当中努力吸引大家既光顾。今日介绍既呢间就系以黯然销魂汉堡为带手菜式既桦得园W Burger。如果响平日午餐时间想黎光顾就要早少少，虽然桦得园既内在环境都唔细，但因为都有唔少既捧场客，所以都需要耐性慢慢等位。小编与老公就响1:30PM左右等，10分钟左右就可以成功入座了。由于黯然销魂汉堡($88)所用既菠萝饱皮系限量供应，既然系为左呢个汉堡而黎，就当然即刻点左呢个先啦 (原装版而唔系轻量版)! 同时老公因为想试下唔同地方和牛制成汉堡既分别，所以点左飞驒和牛汉堡($83)黎试试；同时我地都各加$38升级左迷你小食拼盘﹑以及三式肠拼盘。汉堡需要时间制作关系，所以拼盘先上。小食拼盘包括风味鸡翼3只﹑鱼手指3条﹑以及脆炸洋葱圈。风味鸡翼其实类似BBQ烧鸡翼，虽然肉质唔算滑，但炸为佐酒小食 (如果有)既话都还可以既；鱼手指就偏向无咩味，似系平时冷藏用个类鱼手指，变左好多时鱼味会因为雪得耐而消失；洋葱圈可能系鲜炸所以几香，而洋葱而唔会炸得过老而㶶。三色肠拼盘方面，当我地仲以为会系用幼身既肉肠个阵，估唔到餐厅会用
如果响平日午餐时间想黎光顾就要早少少，虽然桦得园既内在环境都唔细，但因为都有唔少既捧场客，所以都需要耐性慢慢等位。小编与老公就响1:30PM左右等，10分钟左右就可以成功入座了。
由于黯然销魂汉堡($88)所用既菠萝饱皮系限量供应，既然系为左呢个汉堡而黎，就当然即刻点左呢个先啦 (原装版而唔系轻量版)! 同时老公因为想试下唔同地方和牛制成汉堡既分别，所以点左飞驒和牛汉堡($83)黎试试；同时我地都各加$38升级左迷你小食拼盘﹑以及三式肠拼盘。
汉堡需要时间制作关系，所以拼盘先上。小食拼盘包括风味鸡翼3只﹑鱼手指3条﹑以及脆炸洋葱圈。风味鸡翼其实类似BBQ烧鸡翼，虽然肉质唔算滑，但炸为佐酒小食 (如果有)既话都还可以既；鱼手指就偏向无咩味，似系平时冷藏用个类鱼手指，变左好多时鱼味会因为雪得耐而消失；洋葱圈可能系鲜炸所以几香，而洋葱而唔会炸得过老而㶶。
三色肠拼盘方面，当我地仲以为会系用幼身既肉肠个阵，估唔到餐厅会用粗身既版本! (其实个铁盘系平时西餐个类大碟，放左6条肠后剩低既空间都好有限) 每款肉肠都非常多肉汁，而且煎完后都做到有脆皮既效果，唔同风味例如香草等散发出黎个阵好香，好好好抵食!
差唔多食哂拼盘后，黯然销魂汉堡到喇! 最重要既叉烧非常大块同厚身，上面烤过既酱汁封锁住肉汁，虽然太阳蛋比想像中熟，所以食个阵只能够将蛋汁涂于叉烧上而唔能够直接做流心效果，但蛋对酱汁做成既中和作用令整个汉堡又有层次。当然，其中一大特色既菠萝包皮系新鲜烤焗出黎，所以能够做到脆皮效果。第1啖咬落去个刻，因为叉烧保持到相当既肉汁，所以连埋脆面咁食好爽! 而包既底部因为吸收左肉汁，所以就算食到最后唔小心留低左包未食，都可以靠佢既肉汁令你唔会太闷。
(鸡翼既放置系想俾大家留意到叉烧既尺寸有几大，本身系小食拼盘之一既)
飞驒和牛汉堡既卖相非常简单，而用料亦系传统汉堡既酸瓜﹑蕃茄﹑芝士等。就系因为咁简单，和牛柔软而浓味既肉质就可以好易咁食到出黎! 虽然唔系话会有好多既肉汁，但因为柔软既质地，食个阵就可以唔怕咬唔入而令其他配料飞出黎。小编老公话试完浓味既飞驒牛后，下次再试佢同同区近江和牛专门店合作既近江牛汉堡。
综观黎讲，虽然连拼盘后既人均消费都要接近$130，但其实只系汉堡都足够，同时如果未食过黯然销魂汉堡既朋友绝对可以推荐，等你可以感觉下西式汉堡以外另一种利用港式食品制作既层次感吧!
张贴
