炎天丼 (已結業)

今晚庄聚，庄友简左呢间日本菜🇯🇵，果然冇推介错👍🏻唐扬鸡丼呢个套餐包左日式炸鸡🍗、流心炸蛋🥚、沙律🥗同味噌汤，价钱合理，都几抵食下😋! 阿梦平时出边食饭好怕唔够𩠌送饭，但呢个鸡丼真系大满足🈵，我可以大啖饭大啖𩠌哈哈。个丼饭有6⃣大件鸡，仲有原只天妇罗炸蛋，沙律酱份量适中，仲盖满晒新鲜生菜，令平时唔食菜既我都连饭𩠌一齐食。 鸡肉色泽好靓✨，食落香口但唔系热气果种，肉质嫩滑，肉汁都几多，又唔会好油，好好味! 钟意蛋浆捞饭既你一定爱上呢只天妇罗炸蛋❤，佢有别于一般温泉蛋或者溏心蛋，表面炸到金黄色，好松脆，里面蛋浆洋溢，外脆内软，好滋味呀，阿梦成只放晒落口，好有满足感🤗男仔庄友们点左天妇罗既套餐🍤，D炸物既份量净系睇都大饱眼福，佢地食完都话够饱啦，闺蜜们👭怕食唔晒可以开心share啦🥂