鰹烏冬 (寶華閣)

营业中

休息中

因为比较迟收工嘅关系，去到餐厅嘅时候已经比较少人，好快可以入座。我哋嗌咗两份乌冬，一份热食一份冻食，仲有关东煮，骨付鸟，以及系天妇罗拼盘。乌冬方面，日本乌冬其实主要分两大派别，包括赞岐乌冬以及系稻庭乌冬。赞岐乌冬来自日本四国爱媛县，稻庭乌冬就来自日本秋田县。前者嘅乌冬比较粗身，后者嘅就比较幼。呢间餐厅嘅乌冬应该系参照左四国稻庭乌冬为主。如果系冻食嘅话，面质会比较硬身，不过我都觉得系可以接受嘅。热食就同一般乌冬冇咩大分别。配菜方面，骨付鸟真系令我非常惊喜，味道同我当年喺四国食嘅都由七八分相似。关东煮亦都OK。不过最失望嘅一定系天妇罗。𠮶啲虾嘅炸粉实在太多，完全盖过住只虾。希望下次再光顾嘅时候，食物水平会有所提升。