拱照車仔麵 (已結業)

细细个既时候，我舅父成日带我去食旧店既拱照车仔面食，以前一个月会食几次，仲记得会有煎酿三宝食，细个既时候觉得好好食，同好大碗。今次系咁耐以嚟第一次去到新店食，新店既环境好咗，坐得舒服咗，仲有唔洗吹住个头既冷气。食车仔面，我多数会食油面，觉得系最夹啲油腻嘢。今次既𩠌有猪扒、猪红、猪大肠同萝卜，猪红唔易散够入味，猪大肠好易咬够味，猪扒几嫩，萝卜好甜。正常时候我会要辣汁，但当日喉咙唔系几舒服所以无落到。其实回忆就系回忆，无咩特别，车仔面整体偏咸，食完好颈渴。