拱照車仔麵 (已結業)

今天心血來潮想吃個車仔麵，於是便來了這家。星期六午飯時間，客人不算多，不用等位，立即有位坐。除了車仔麵外，還有碟頭飯給客人選擇，價錢都是大約$50左右。車仔麵的配料選擇不算多，但傳統的款式都齊。我點了個三餸油麵，魚肉春卷、豬紅和豬大腸，當中豬大腸是價錢不一樣的，不過我不知道價錢是怎樣計的，總之連凍檸蜜，這個餐要$47，不算抵食，但可接受。由於客人不多，所以車仔麵很快便送到了。份量比想像中多，每一款餸都有大約五件，而魚肉春卷有兩條，是肥肥大大的。先從油麵開始說起，麵條有點林，略有鹼水味，但可以接受。反而餸菜方面味道不錯，滷水豬大腸算入味，但滷得不夠林。至於豬紅方面，則很好味，我覺得是正宗的豬紅，因為口感會較滑，所以很好味。至於凍檸蜜，我覺得也不錯，不會覺得很淡，有檸檬味，也有蜜糖味。整體來說，不過不失，也算滿意吧。

香港仔餐廳多，聽聞車仔麵唔錯，開到對面街有另一間分店。午市1點左右到，已經滿座，不過勝在食客食完就走，唔駛等位。入到去，枱面有紙，自己tick餸。車仔麵配料都有好多選擇，最特別既係有酸齋/齋，好少見車仔麵鋪有尼款餸。叫左雞翼魚肉春卷米粉($34)，配凍豆漿。湯底唔算話好突出，清湯唔油膩。魚肉春卷最好食，同X記粉麵食到既魚肉春卷有得揮。魚肉結實，兩大條。而雞翼就較為普通，簡單醃過，不過肉嫩冇雪藏味，而且雞翼都大隻。米粉份量都多，夠女仔食。整體，午市預左間間餐廳都多人，加上住附近既人都會搭車過黎香港仔食野，所以餐廳種類都多。尼間車仔麵鋪除左可以食粉麵，亦有飯餐，迎合唔同人既口味。

車仔麵絕對係香港地道美食,呢間拱照車仔麵係香港仔都有成廿年歷史.以前懶得諗會食大雜薈麵,不過餸好多, 會食到好飽。今次見佢有個細雜薈麵,有八款餸,白菜,蘿蔔,豬皮,豬紅,雞翼尖,紅腸,齋同魚片套餐配冷熱飲品$41份量適中岩岩好.我一向選擇油麵底,呢度既油麵好爽口 唔會太淋易斷,成碗車仔麵最精彩的是蘿蔔,因為湯底已經好飲,蘿蔔再吸收湯底後特別清甜!!其次齋同豬皮都係入味之選。其他配料就普普通通啦,港式三寶(豬皮 蘿蔔 魚蛋)比起魚片 我會想要魚蛋多d,車仔麵冇魚蛋始終好似差梗d野~

小學係拱照旁渡過，一轉眼二十年，趁今日放假返母校重遊顺便拍照留念。離開時四點幾，轉頭一望有南記有拱照，細想一下南記而家到到有，食拱照啦，入到去提筆自助落單，交咗俾店員後等咗五分鐘飲咗奶茶等面到，又過咗五分鐘面上埸，色香味都同以往一樣正，呢趟純粹個人感情分享。食完只能在此作記，今日到此一遊。

細細個既時候，我舅父成日帶我去食舊店既拱照車仔麵食，以前一個月會食幾次，仲記得會有煎釀三寶食，細個既時候覺得好好食，同好大碗。今次係咁耐以嚟第一次去到新店食，新店既環境好咗，坐得舒服咗，仲有唔洗吹住個頭既冷氣。食車仔麵，我多數會食油麵，覺得係最夾啲油膩嘢。今次既餸有豬扒、豬紅、豬大腸同蘿蔔，豬紅唔易散夠入味，豬大腸好易咬夠味，豬扒幾嫩，蘿蔔好甜。正常時候我會要辣汁，但當日喉嚨唔係幾舒服所以無落到。其實回憶就係回憶，無咩特別，車仔麵整體偏鹹，食完好頸渴。

係香港仔兜左個圈都冇乜心水，最後去咗食車仔麵，以前讀書、番工嘅回憶番曬黎。跟湯例牌要多青，仲加埋佢特製嘅辣汁，應該係沙嗲醬，少少辣餸嗌左白菜仔、韮菜餃同粗面，正正常常普通嘅餸囉～不過同友人交換咗特製嘅辣牛丸黎過下癮，牛丸入邊有辣椒碎，呢個算特別囉⋯⋯ 而湯就好重鹼水味。除咗車仔麵以外，佢都有啲飯/意粉餐，如果唔想食車仔麵都可以嗌嗰啲。2餸普通面底冇轉野飲，埋單都要$33；3餸就$39，價錢平譚x、南x少少，黎得香港仔，梗係要食番香港仔先有嘅餐廳啦😆

呢間野係香港仔好多年，辣汁出名，車仔麵配料做得唔錯，今次介紹下。今次試個咩都有既大雜會面$47包凍飲。賣相討好而且size夠睇頭，有街坊風味。凍奶茶係包左既，47蚊大大碗包凍飲絕對合理價，唔會話唔抵食。不過幾平都好，難食就係死罪，幾平都冇x用，即刻講下好唔好食先。蘿白冇渣清甜，唔錯大腸入味爽滑，完全唔肥，推介！紅腸比普通燒味檔好食，肉較彈，試過就知。雞尖滑，屬清淡型，要入味濃味者不推介！魚蛋有魚味，煙韌型非彈牙型，睇個人口味。魚片一樣，非彈牙型，要爽彈者不推介！豬皮其實好味，可惜叫左少辣，如果唔係會好好多。齊都一樣，好味既，唔夠汁啫。湯底同麵底就正常出品，冇特別。最推介係辣汁，靈魂所在，香辣野味，推介多汁！總結來說，街坊風味濃，好食既，平有平食貴有貴食，平食30零蚊都有，可以一試既小店。

《拱照車仔麵》地址：香港仔香港仔大道196號地舖豬紅 豬腸 白菜仔 米粉 凍檸茶 $46-豬紅夠入味 豬腸未過不失 份量都唔小個湯唔得 基本上係無咩味諗住用辣汁搭夠返 點知辣汁1d都唔辣淨係得d蒜🤦🏻‍♀️仲有！凍檸茶少甜少冰都無分別甜到好似汽水檸檬茶咁🙄-一句講完：餸OK 湯唔得 辣汁唔得🤷🏻‍♀️完對於我咩都要落辣嘅人黎講 唔會再食-ByT: 3/10#食在香港仔#車仔麵系列Instagram: 90sfoodieshare

曾經睇電視見介紹過呢間車仔麵，今日入香港仔就順路去食吓啦，叫左豬腸、豬皮、蘿蔔粗麵竟然要39元，加杯熱檸水就6元，成為45元，豬腸唔夠淋，蘿蔔都係唔夠淋亦唔甜無蘿蔔味，豬皮及粗麵還可以，好少餸而且價錢仲超級無敵好鬼貴，價錢收得貴食物唔好味，服務態度又差，超貴服務又差，我係唔會再幫襯既！

職員服務態度差，有男職員掛著睇跑馬，對顧客沒有回應，要叫幾次才回應食物難食，食了好幾十年，越做越差上錯食物價錢貴，價不值此，倒不如食南記也好不建議去堂食或外賣勿幫襯

同友人剛好路經，又一其貌不揚好味車仔麵店，勁好食，點解得咁少好評！？大大碗，份量足，用料新鮮！牛什超入味，但又不會煮得太淋，咬口十足！魚丸丸丸亦魚味十足！非常彈牙！好少麵店會有魚麵選擇，於是點了魚麵，用料亦不馬虎，食到魚味同彈牙口感！魚皮餃好食，好鮮甜多汁，所以另叫多一碗正正正！難怪附近食店林立，呢度都咁多人捧場啦！

好耐無去幫襯經過見隔離舖頭爆晒惟有去呢度食下叫左個幼麵餅再加咖喱魚蛋酸齋豬紅(其實系雞紅)煎蛋加杯熱央坐就舒服因為唔多客另外叫佢另外上個「辣汁」d豬紅同以前比就唔系咁入味連個辣汁都淡左不過個湯就無以前咁咸整體過得去不過食唔番以前果種味價錢亦一加再加淥麵就好一般有d硬左少少gei感覺d料就好似醃得唔系好夠入味無論魚蛋唔夠辣豬紅又系咁好老實收咁gei價錢真系好勉強收貨

今晚突然好想食車仔麵，第一時間就諗到去拱照。之前一直都係去舊鋪，今次試試新鋪如何。新鋪裝修比較似新式茶餐廳，而餐牌亦多了碟頭飯，不過我最後都係選了車仔麵！魚蛋+貢丸+河粉+辣汁魚蛋大大粒，同貢丸差唔多大，口感彈牙，亦沒有麵粉味，反而貢丸平平無奇，沒有豬肉味。反而河粉嫩滑不沾，麵質保持一貫水準，而加上辣汁，辣得來令人胃口大增。整體感覺還是覺得舊店車仔麵配料煮法比較出色！

好喜歡食車仔麵，皆因可以自己揀！ 今天不想太重口味，叫了冬菇，籮白加紫菜米粉。看似好dry咩？no no, 不知幾正，材料足，冬菇入味，冇和蘿白甜，又大大舊，紫菜冇沙亦冇腥味，清湯也有味道的！另外跟餐有涷豆漿送。雖然不是鮮磨，但也是很健康之選吧～

店名:拱照車仔麵地址:香港仔香港仔大道196號地舖好味指數:8/10價錢：$40大雜繪米大雜繪米非常大碗，11款配料包括豬紅，豬皮，蘿蔔，冬菇，豬大腸，雞翼尖，魚片，辣魚蛋，齋，紅腸，菜。湯底味道鮮甜，米粉爽滑入味，每樣配料均入味好吃。可加入辣汁，味道不太辣，蒜味突出，惹味非常。