二十道

营业中

休息中

二十道 - 北角📍北角七姊妹道193號遠東大廈地下A號舖北角、鰂魚涌果頭多野食大家都知，今次朋友推薦左呢間日式小店比我地試下。睇睇價錢牌，有平有中價，都好親民。 一坐落黎，店員好熱心，比左兩杯茶。西班牙白豚肉拉麵- $78湯底係雞濃湯。上面有幾塊西班牙豚肩肉，係用西京味噌醃成再生燒，口感林林地，味道甜甜地好入味。配料有魚蛋片，BB露筍，車厘茄，青瓜，都幾豐富同多元化。個雞湯真係靈魂，師傅將個湯到煲到勁濃，係有啲張力，但又唔會太漏，佢仲加左啲rosemary令湯層次再提升, 真係飲晒成碗湯咁滯。王室之食事 - $168呢個套餐抵食，包一個main, 串燒兩條仲有沙律、前菜、麵同甜品，成6個course. 主食叫左熟成白生魚生丼，細細既一碗，但上面係滿滿既魚生同玉子粒粒。 前菜係芥末螺肉，螺肉有咬口，芥末味唔算太衝擊。串燒係雞肉同雞腎，係濃濃既醬油味，雞肉好juicy好滑，雞腎粒粒都漲卜卜又爽口。唔使驚碗飯細細食唔飽，因為佢仲會有一碗雞白湯拉麵，同豚肉拉麵果碗係一樣既，即時encore果個咁正既湯底😋 甜品係櫻花和果子，為呢餐做上總結。