六両三 (已結業)

尖沙咀呢間隱世嘅台灣小店，門面裝修好有特色，雖然店面細細，但一定唔會走漏眼🙈而且keep住有客人，證明有質素保證😍滷肉燙青菜🥬，青菜索哂滷肉啲汁，清得黎有味道👅，而家滷肉都大粒，好不錯！牛筋牛肋條麵加麻辣🙈先講湯頭，順口濃郁，好飲！牛筋牛肉分量好足，真係做到一啖肉一啖麵，高質🫡加配左個涼拌麻辣豬大腸，惹味😘冬瓜檸檬茶唔會過甜，解渴又開胃🤤滷肉拌麵🙈啲滷肉分量真係要大讚，味道亦出色😍加配溏心蛋，估唔到個蛋係台灣店都做得咁好，流心又有蛋味🤩而個滷甜不辣口感唔錯！飲品就叫左枝無糖白桃烏龍，係自家製出品😎