影片
更多
2008-12-24
19 浏览
刚同内子食完佢既 $168 圣诞餐, 真系粗口都黎埋! 唔知佢系咪真系咁旺场, 食平安夜餐都要前一日交订$200 (我心谂, 你当自己系5星大酒店咩?!), 好啦, 钱交左, 到食饭当晚, 我地迟到左 10 钟 (我地book 食 6pm), 佢地即刻打黎吹吹贡. 你估我会咁笨交左钱唔到咩?! 巴之闭! 食过头盘后, 等左5000年都未见主菜出现. 隔离枱迟黎先上岸, 所以咪叫 waiter 吹单. 点知个个 waiter 都只系o系餐厅横冲直撞, 好似好赶咁, 都冇人理我地...我地等左起码半粒钟先到!我叫左个火鸡加火腿既东西. 火鸡白 lai sai, 冇利文味, 旧火煺厚dup dup, d 汁好似一般快餐店果d 洋葱猪排汁, 冇咩特别, 失望~我内子叫左牛柳加大虾, 件牛柳好痴牙, 好难咬得开, 冇文冇味; 大虾好香牛油味, 但味道比较淡. 甜品系蛋糕加挞. 件蛋糕好粗, 件挞得个甜字餐茶: 我叫左杯唔知系奶定茶既物体 --- 因为杯野奶多过茶....仲衰过自己冲!呢间野人地讲到点好食. 我就真系唔识欣赏 la~
唔知佢系咪真系咁旺场, 食平安夜餐都要前一日交订$200 (我心谂, 你当自己系5星大酒店咩?!), 好啦, 钱交左, 到食饭当晚, 我地迟到左 10 钟 (我地book 食 6pm), 佢地即刻打黎吹吹贡. 你估我会咁笨交左钱唔到咩?! 巴之闭!
食过头盘后, 等左5000年都未见主菜出现. 隔离枱迟黎先上岸, 所以咪叫 waiter 吹单. 点知个个 waiter 都只系o系餐厅横冲直撞, 好似好赶咁, 都冇人理我地...我地等左起码半粒钟先到!
我叫左个火鸡加火腿既东西. 火鸡白 lai sai, 冇利文味, 旧火煺厚dup dup, d 汁好似一般快餐店果d 洋葱猪排汁, 冇咩特别, 失望~
我内子叫左牛柳加大虾, 件牛柳好痴牙, 好难咬得开, 冇文冇味; 大虾好香牛油味, 但味道比较淡.
甜品系蛋糕加挞. 件蛋糕好粗, 件挞得个甜字
餐茶: 我叫左杯唔知系奶定茶既物体 --- 因为杯野奶多过茶....仲衰过自己冲!
呢间野人地讲到点好食. 我就真系唔识欣赏 la~
张贴