潮膳 (已結業)

平时真系好少食潮州菜，但系今日唔知点解心血来潮好想食下，即刻OpenRice下附近有咩潮州菜馆，就拣咗呢间啦！我同朋友叫咗个二人精选，我见佢价钱唔贵，但系就有好多嘢食，而且选择都多！卤水拼盘有好多款卤水！有鹅片、猪肚，豆腐！全部都卤得好入味，配埋个醋食就啱啱好🤤我就最钟意食个猪肚！因为煮得够林😂普宁豆腐炸得好好食！外面炸到有微微嘅焦味，但里面嘅豆腐仲系keep住好滑，冇炸到干晒水！沙茶牛肉同埋芥兰都好食！沙茶牛肉有啲沙嗲味，不过食得出系新鲜牛肉，唔系平时茶餐厅早餐𠮶啲罐头沙嗲牛肉😂😂而且啲牛肉好林，一咬就烂！煎牙带真系好食到冇得弹！条鱼虽然炸过仲系keep住好滑，都唔会感觉好热气，好食到停唔到口🤤豆浆系我至爱啊😍😍😍唔夸张，我真系成世女都未饮过咁好饮嘅豆浆！个豆浆好有豆香味😍😍唔甜，但系都好够味，一定要嗌番杯啊！绿豆爽好多绿豆😂😂成碗都系🙈