甜姨姨私房甜品 (清風街)

营业中

休息中

星期四放工同老公食完kfc之后去左天后甜姨姨食甜品，食完明白所有豆腐制既食物都好出色。木桶豆腐花即叫即撞，所以要等大概15分钟，但等待系值得既。豆腐花好滑溜，有豆香味，本身已经有甜度，如果想食到糖个种沙沙既口感，可以自己加红糖，正。芝麻豆腐西米露 (豆腐雪糕)加左$12要小丸子，芝麻豆腐两种味好平衡，两种味都食到，豆腐雪糕好重豆腐味，透心凉既甜品。六小宝以六宫格呈上，仲有一杯沙冰饮品。有三色啫喱、酱油糖心蛋，港式奶酱迷你牛角窝夫、司华力肠、吉列炸虾、炸烧卖，满足到想食咸野既心。芒果豆腐杯豆腐沙冰打得幼细，豆腐味浓郁，芒果粒粒都好多，好饮。