火鍋撚 (染布房街) (已結業)

见网上有人介绍蜂巢豆腐白汤锅个样几得，而我哋又好钟意食依款嘅火锅，上星期揾忍唔住要去试下。豆腐锅里面都有几多豆腐，重有少量嘅鸭血。两个人唔洗点太多，大部份都系点左半份，极品安格斯肥牛（小)半份，油脂分布均匀，入口嫰滑。老油条与豆腐锅特别夹，而且半份个份量都几多。点左一份嘅火锅撚御用手切肥牛，色泽鲜明，灼8秒就可以袋得，入口一D都唔韧。爽脆黑栢叶半份，灼10秒就食得，口感爽脆。创意午餐肉菜甫饺半份，一碟4件，午餐肉味都几浓，味道不错。食皇帝菜减减油腻感。食火锅边少得洞庭乌冬，配上豆腐汤再加几块手切肥牛，劲满足。点左一杯Hoegaarden和腐竹鸡蛋糖水沙冰，沙冰口感几正，爽到一个点。