豆美味豆花團

营业中

休息中

任饮任食豆腐花，平时星期六，日超级多旅行团黎任饮任食，加上有好多踩单车入黎食，简直系逼爆，所以建议星期一至五黎食啦，豆美味对出有个烂地停车场，渣车可以泊个到，或者可以踩单车入黎食，入面座位好多好大，除左有任饮任食豆腐花，豆浆，仲有其他野买架，酱料，腐乳，素斋，干货，豆浆。豆腐花有热食同冻食，但冻食系冇得任食。由于凑住囡囡，所以我地买左两碗外卖返屋企食！冻芝麻豆腐花，热原味豆腐花（$18）冻芝麻豆腐花，好香芝麻味，仲好滑，本身已经有少少甜味，所以唔驶落咁多黄塘，热原味豆浆花，豆味冇咁重，好滑溜，所有豆腐花，豆浆都系每日新鲜制造，拎到返屋企仲系热辣辣，由于拎走，所以已经加左姜糖水，而黄糖就揾密实袋袋住一包包，返到屋企可以跟据自己甜度加落去，食完一碗已经好饱。记住喷定蚊怕水，因为好多蚊！