清心齋 (已結業)

再一次嚟到清心斋买佢嘅豆腐花食，每次口淡淡又唔想食西式甜品太滞，都会揾吓豆花呢类食物润吓喉咙😊😊实在系好舒服。一如既往豆腐花好好味，加咗黄糖十分清甜，质地滑嘟嘟又细致冇粉感，好顺口，同时都食到轻轻豆味。叫咗先望到餐牌原来有黑白两沟，即系芝麻糊豆腐花，下次一定要试吓。买开见到啲有啲贺年炸物，同平时长卖嘅甜糕、小食，又忍唔住手买咗少少番屋企哈哈🐽🐽笑口枣脆卜卜，钟意佢系一口size，唔会太大粒，可以成粒啪落口👍🏻仲有个腐皮卷，入面馅料有三样嘢，分布好平均，每一啖都咬到丰富嘅层次，调味啱啱好，呢个小食有惊喜！🔥🔥🔥