仁寶小館 (已結業)

饮食男女推荐呢度既豉油煲呔鸡＄２００（普通鸡就＄１６０），因为泊街位怕抄牌，情愿买外卖返屋企叹，感觉好坏参半，鸡本身肥廋适中，皮够厚，皮下脂肪又少，整豉油鸡本应几理想，可惜鸡肉较「鞋」口，可能浸既时间过耐（近骨部份亦唔见红色，明显系过熟，唔关煲呔鸡肉质事），又或者心急用猛火煲熟，所以肉质唔够滑。浸鸡既鼓油好杰身，可以原全黏上鸡皮，可惜味道好淡，唔用眼睇未必知自己系食紧鼓油鸡，而味道关键在于跟外买送个一杯鼓油汁，令味道起死回生，个汁有多种香料既浓味同甘香，唔太甜，同以前食开既鼓油鸡有好大分别，感觉系特别，又唔可以话特别好食，一试亦无妨。而最奇怪既系，只鸡又唔系好肥，但系个外卖发泡胶盒底就成半吋厚黄澄澄既油，反而豉油就一滴都唔见㖞？你话系咪奇景？